Leite pasteurizado
Leite pasteurizado sen homoxeneizar con rostro
Na Gandería Quintián seguimos facendo o leite como se fixo sempre: coidando a vaca e respectando os ritmos. Por iso, ofrecémosche un leite pasteurizado pero sen homoxeneizar, co sabor e a textura de antes, e tódalas garantías de agora.
En boca, como debe ser
Leite de verdade, untuoso e moi equilibrado; con notas limpas e doces que lembran a vainilla, cereal doce e froitos secos.
A pasteurización suave (73 °C durante uns segundos) garante a seguridade alimentaria sen comprometer o valor nutricional. Logo refrixérase a menos de 4 °C e consérvase ata 7 días en perfecto estado.
Somos pioneiros na venda directa de leite pasteurizado en Galicia e hoxe seguimos apostando pola proximidade, a calidade e a confianza.
¿Que significa “sen homoxeneizar”?
Significa que conserva a estrutura natural da graxa, sen ser fragmentada artificialmente. Isto mantén o leite máis próximo ao seu estado orixinal, mellorando a dixestión e reducindo posíbeis intolerancias, mantendo a textura máis cremosa e untuosa e preservando mellor o sabor auténtico do leite fresco.